մանկաբույժ
- Երևան, Մարգարյան փողոց, 6/1
Յուրաքանչյուր մայր երազում է մանկաբույժի մասին, ում կարող է անվերապահորեն վստահել իր երեխայի առողջությունը։ Համապատասխան մասնագետ գտնելը մեծ հաջողություն է, սակայն դիմելով Երևանի SILK Medical կլինիկա՝ կարող եք ընտրել լավագույն մանկաբույժին: Մեր մանկաբույժները ոչ միայն կանխարգելիչ հետազոտություններ են անցկացնում Ձեր երեխայի զարգացման տարբեր փուլերում, այլ նաև խորհրդատվություն են տրամադրում հիվանդությունների ժամանակ։
Հակառակ տարածված թյուր պատկերացման, մանկաբուժությունը չի սահմանափակվում միայն մանկական և դեռահասների հիվանդությունների բուժմամբ: Սա երեխայի առողջության և պատշաճ զարգացման գիտությունն է՝ նրա կյանքի տարբեր շրջանների տարիքային առանձնահատկություններին համապատասխան։
Ընտանեկան բժշկության կենտրոնի մասնագիտացում.
- Մանկաբուժական կանոնավոր վերահսկողություն
- Վաղածին երեխաների աճի և զարգացման վերահսկողություն
- Կանխարգելիչ պատվաստումների օրացույց
- Երեխայի սննդի կազմակերպում
- Սուր շնչառական վիրուսային վարակների և այլ վարակային հիվանդությունների բուժում
- Ալերգիկ դրսևորումների բուժում
Մանկաբույժի հսկողության տակ գտնվելը խիստ պարտադիր է և ներառված է երեխայի առողջության պահպանման իրավունքի առաջնահերթ միջոցառումների մեջ: Պլանային հետազոտությունները նշանակվում և իրականացվում են տարիքին համապատասխան՝ հաշվի առնելով երեխայի օրգանիզմի զարգացման առանձնահատկությունները կյանքի յուրաքանչյուր փուլում։
Մանկաբույժին դիմում են ոչ միայն մրսածության կամ այլ բացասական ախտանիշների հայտնաբերման դեպքում։ Բժիշկը նաև վերահսկում է երեխայի առողջական վիճակը իր մանկության և պատանեկության ողջ ընթացքում՝ մինչև չափահաս դառնալը։ Հենց այս ժամանակահատվածում է զարգանում ոչ միայն երեխայի արտաքին ֆիզիկական (մարմնական) տեսքը, այլև նրա օրգան համակարգերի մեծ մասը, այդ թվում՝ նյարդային համակարգը։ Ուստի չափազանց կարևոր է պահպանել և անհրաժեշտության դեպքում վերականգնել երեխայի առողջությունը, որպեսզի նա կարողանա ապրել լիարժեք կյանքով։
Եթե ունեք գանգատներ կամ որևէ հիվանդություններ, մանկաբույժի մոտ այցը չպետք է հետաձգվի։ Եթե ձեր երեխան ունի ջերմություն, արցունքահոսություն, քնկոտություն, ցան, փսխում, սրտխառնոց, փորլուծություն, մշտական լաց, գիշերային քնի խանգարում, ջղաձգություն, ցնցումներ, հազ և այլ ախտանիշներ, Դուք պետք է անհապաղ խորհրդակցեք մասնագետի հետ: Բժշկին հարկավոր է դիմել ոչ միայն երեխայի ընկնելու կամ միջատների և կենդանիների խայթոցների, այլև երեխայի առողջության ցանկացած նորմայից շեղվելու դեպքում։ Հիվանդություններ մեծ մասը ունեն իրենց սպեցիֆիկ ուղղվածությունը և ախտանիշները, և ոչ մասնագիտական ախտորոշումը կարող է հանգեցնել բացասական հետևանքների:
Հետազոտություն և ախտորոշում
Մեր կլինիկայի մանկաբույժները միշտ մանրակրկիտ հետազոտություն են անցկացնում և անհատական մոտեցում են ցուցաբերում յուրաքանչյուր երեխայի նկատմամբ։ Երեք լեզուների իմացությունը օգնում է արագ կապ հաստատել երիտասարդ հիվանդների հետ և թույլ է տալիս ավելի ճշգրիտ որոշել հիվանդության ախտանիշները: Սա, իր հերթին, թույլ է տալիս ավելի մեծ ճշգրտությամբ և արդյունավետությամբ որոշել հետագա հետազոտությունների պլանը և բուժման մեթոդների ընթացքը:
Միջազգային չափանիշներին համապատասխանող պրոֆեսիոնալ սարքավորումները, ինչպես նաև իրենց ոլորտի մասնագետները թույլ են տալիս ոչ միայն առավելագույն ճշգրտությամբ ախտորոշել ցանկացած տեսակի հիվանդություն, այլև իրականացնել ցանկացած տեսակի ռեաբիլիտացիա։
Հետազոտության արդյունքները գնահատելուց հետո բժիշկը կնշանակի ամենաարդյունավետ թերապիան հայտնաբերված խնդրի լուծման համար կամ կուղարկի Ձեզ այս տեսակի հիվանդության մասնագետի մոտ՝ հետագա բուժման համար:
Մեր կլինիկայում մանկաբույժի մոտ այցելելու համար Դուք կարող եք կապվել մեզ հետ ստորև նշված հեռախոսահամարով կամ լրացնել գրավոր հետադարձ կապի ձևը: Մենք կընտրենք բժշկի մոտ այցի համար ամենահարմար ժամը և սիրով կպատասխանենք Ձեր բոլոր հարցերին:
