Հղիության հսկողություն
- Երևան, Մարգարյան փողոց, 6/1
Հղիության հսկողության հիմնական նպատակներն են.
- փոքր կոնքի օրգանների վարակիչ հիվանդությունների կանխարգելում
- բազմակի հղիության վաղ ախտորոշում
- ինքնաբուխ վիժման զարգացման ռիսկի նվազեցում
- պտղի զարգացման անոմալիաների ժամանակին հայտնաբերում
ԱՄԲ-ից հետո հղիության հսկողության առանձնահատկությունները
SILK Medical-ում հաշվառման կարող է ենթարկվել ոչ միայն բնական հղիությունը, այլ նաև հղիությունը ԱՄԲ-ից հետո։
ԱՄԲ-ից հետո հղիության հսկողությունը ունի որոշ առանձնահատկություններ։ Դրանք կապված են սաղմի տեղափոխումից հետո առաջին շաբաթների ընթացքում վիժման բարձր ռիսկի և լրացուցիչ հորմոնալ աջակցության անհրաժեշտության հետ:
ԱՄԲ-ից հետո կինը գտնվում է ոչ միայն գինեկոլոգի հսկողության տակ։ Կախված ցուցումներից՝ նրան նշանակվում են այլ նեղ մասնագետների խորհրդատվություններ՝ սրտաբան, էնդոկրինոլոգ, նյարդաբան և այլն։
ԱՄԲ հղիության հսկողությունը ըստ եռամսյակի
Հղիության պլանային բուժքննությունը պետք է անցկացվի յուրաքանչյուր եռամսյակ: Հետազոտությունների ծավալն ընտրվում է անհատապես՝ հաշվի առնելով հղիության տևողությունը։
Հղիության ողջ ընթացքում վերահսկվում են արյան ընդհանուր և կենսաքիմիական անալիզները, ընդհանուր մեզի անալիզը և կոագուլոգրամման:
Առաջին եռամսյակի հետազոտությունների կոմպլեքսը ներառում է դինամիկայում hCG մակարդակի որոշում, փոքր կոնքի օրգանների ուլտրաձայնային հետազոտություն և այլն: ԱՄԲ-ից հետո մեր կլինիկայի բժիշկները կազմում են մշտադիտարկում պահանջող լաբորատոր-գործիքային ախտորոշիչ հետազոտությունների ցանկ։
Երկրորդ եռամսյակում սկսում են վերահսկել պտղի աճը: Այդ իսկ պատճառով յուրաքանչյուր այցի ընթացքում չափում են արգանդի հատակի բարձրությունը և ապագա մոր քաշի աճը: Տեղեկատվական է նաև պտղի դոպլերոմետրիայի անցկացումը՝ արյան մատակարարումը վերահսկելու համար։
Հղիության երրորդ եռամսյակում հասանելի է դառնում կարդիոտոկոգրաֆիան (ԿՏԳ)։ ԿՏԳ-ն որոշում է պտղի սրտի բաբախյունը, նրա շարժումների ակտիվությունը: ԿՏԳ-ի ընթացքում կատարվում է նաև արգանդի կծկումների ախտորոշում և երեխայի արձագանքը այդ կծկումներին: Գինեկոլոգիական աթոռի վրա հետազոտության ընթացքում մանկաբարձ-գինեկոլոգը կարող է գնահատել արգանդի վզիկի հասունության աստիճանը, ինչը թույլ է տալիս ժամանակին որոշել նրա պատրաստակամությունը ծննդաբերությանը կամ հայտնաբերել վաղաժամ լայնացում:
Հղիության հսկողության առավելությունները SILK Medical կլինիկայում
Յուրաքանչյուր պացիենտի համար նշանակվում է մանկաբարձ-գինեկոլոգ, ով ուղղորդում է նրան հղիության ողջ ընթացքում՝ որոշելով հետազոտությունների և մասնագետների հետ կոնսուլտացիաների ժամկետները։
Մեր կլինիկան հագեցած է փորձագիտական կարգի առաջադեմ սարքավորումներով, որոնք թույլ են տալիս իրականացնել տարբեր աստիճանի բարդության հետազոտություններ: Բացի այդ, մեր ժամանակակից սարքավորումներն ունակ են հայտնաբերել պաթոլոգիական փոփոխությունները նույնիսկ դրանց զարգացման վաղ փուլերում:
Մեր կլինիկայում հաշվառված հղիներին մենք տրամադրում ենք բոլոր անհրաժեշտ փաստաթղթերը: Փաստաթղթերի ձևակերպումն իրականացվում է սահմանված չափանիշներին համապատասխան:
Դուք կարող եք ավելին իմանալ հղիության հսկողության մասին՝ բժշկի մոտ այց գրանցելով: Գրանցվելու համար պարզապես զանգահարեք մեզ կամ լրացրեք հետադարձ կապի ձևը մեր կայքում:
