Ազոոսպերմիայի բուժում (TESA)
- Երևան, Մարգարյան փողոց, 6/1
Ազոոսպերմիան սերմնահեղուկում սպերմատոզոիդների բացակայությունն է, ինչը անհնարին է դարձնում բնական բեղմնավորումը: Նախկինում այս ախտորոշումը անվերապահ դատավճիռ էր տղամարդու հայր դառնալու ցանկության համար: Ժամանակակից վերարտադրողական տեխնոլոգիաները հնարավորություն են տալիս վիրահատական ճանապարհով ստանալ տղամարդու գենետիկական նյութը:
Ազոոսպերմիայի (օբստրուկտիվ կամ սեկրետորային) տեսակը որոշելու համար SILK Medical-ի մասնագետները խորհուրդ են տալիս անցնել հետևյալ հետազոտությունները.
- Տղամարդու հորմոնալ ֆոն
- Ամորձապարկի ուլտրաձայնային հետազոտություն՝ ամորձիների ծավալի որոշմամբ
- Ինհիբին β անալիզ
- Y քրոմոսոմային AZF լոկուսի միկրոջնջումների ընդլայնված որոնում (14 միկրոջնջում)
- Սպիտակուց S ազատ
- Վիտամին B12
- Հոմոցիստեին։
Վիրահատական ճանապարհով սպերմատոզոիդների ստացումը
Ամորձու բիոպսիան ինվազիվ մանիպուլյացիա է, որի ժամանակ անդրոլոգը վերցնում է ամորձու հյուսվածքի նմուշները՝ միկրոսկոպիկ հետազոտության և սպերմատոզոիդների արտազատման համար: Բիոպսիան առաջարկվում է հետևյալ դեպքերում.
- Ազոոսպերմիա (հիմնական ցուցում)
- Ամբողջական նեկրոզոոսպերմիա, որը ենթակա չէ դեղորայքային շտկման
- ԴՆԹ-ի մասնատման բարձր աստիճան:
Կախված հետազոտության արդյունքներից՝ անդրոլոգը կորոշի բիոպսիայի տեսակը.
- TESA՝ ամորձու միջմաշկային — ասպիրացիոն բիոպսիա բարակ ասեղով, կատարվում է ամորձու հյուսվածքի ասպիրացիա
- PESA՝ ամորձու հավելման (էպիդիդիմիս) միջմաշկային — ասպիրացիոն բիոպսիա, կատարվում է հեղուկի արտածծում։
- TESE՝ բաց մեթոդով ամորձու բիոպսիա, ամորձապարկի մաշկի կտրվածքի միջոցով վերցվում է հյուսվածքի նմուշ:
- micro-TESE՝ ամորձու միկրովիրաբուժական ասպիրացիա, ամորձու հյուսվածքը հետազոտվում է մանրադիտակի տակ, ինչը թույլ է տալիս գտնել ամորձու խողովակիկները, որոնք ամենայն հավանականությամբ կպարունակեն սպերմատոզոիդներ:
Մեր կլինիկայի մասնագետները մեծ փորձ ունեն տղամարդկանց անպտղության նույնիսկ ամենաբարդ տեսակների հաղթահարման գործում: Ժամանակակից սարքավորումների շնորհիվ մենք իրականացնում ենք բոլոր անհրաժեշտ հետազոտությունները հնարավորինս սեղմ ժամկետներում։
