Ես բարձր որակավորում ունեցող մանկաբարձ-գինեկոլոգ և վերարտադրողական ոլորտի մասնագետ եմ։ Իմ առաքելությունն է՝ օգնել կանանց իրականացնել մայրանալու իրենց նվիրական երազանքը և լուծումներ գտնել նույնիսկ ամենադժվար իրավիճակներում:
Իմ պրակտիկայում առանձնահատուկ տեղ է գրավում գինեկոլոգիական հիվանդությունների բուժումը, այդ թվում՝ արգանդի պարանոցի էրոզիայի ախտորոշումն ու բուժումը, ինչպես նաև գինեկոլոգիական վարակների դեմ պայքարը։ Ես երկար տարիների փորձ ունեմ անպտղության բուժման ժամանակակից մեթոդների կիրառման մեջ , ինչպիսիք են՝ ինսեմինացիան և ԱՄԲ-ն:
Բացի այդ, ես օգնում եմ բուժառուներին ոչ միայն հղիանալ, այլ նաև ուղղորդել նրանց հղիության ընթացքում՝ վերահսկելով մոր և ապագա երեխայի առողջությունը՝ օգտագործելով ուլտրաձայնային ախտորոշում և այլ առաջադեմ մեթոդներ: Տեղադրում եմ նաև ներարգանդային պարույրներ։
Իմ հիմնական նպատակն է՝ ստեղծել անվտանգ և հարմարավետ միջավայր, որտեղ յուրաքանչյուր կին իրեն վստահ կզգա իր առողջության և մայրության ճանապարհին:
Կրթություն
2004 — 2010 թթ. — Երևանի Մխիթար Հերացու անվան պետական բժշկական համալսարան, ընդհանուր բժշկության ֆակուլտետ, ք. Երևան
2010 — 2014 թթ. — Մոր և մանկան առողջության պահպանման կենտրոն, Մանկաբարձության և գինեկոլոգիայի կլինիկական օրդինատուրա
Որակավորման բարձրացում
2013 թ. — Գինեկոլոգիայում էնդոսկոպիկ և պլաստիկ վիրաբուժության նորագույն մեթոդները
2013 թ. — Արգանդի պարանոցի պաթոլոգիայի ախտորոշման և կանխարգելման մոտեցումներ
2014 թ. — Արտամարմնային բեղմնավորում
2014 թ. — ՄԻԱՎ-ի վերաբերյալ խորհրդատվության հմտությունների զարգացում
2015 թ. — Անցանկալի հղիությունը կանխելու համար ժամանակավոր հակաբեղմնավորիչների օգտագործման բժշկական չափանիշներ
2016 թ. — Կարդիոտոկոգրաֆիայի դերը պերինատալ կորուստների կանխարգելման գործում
2016 թ. — Մոր և մանկան առողջության, ընտանիքի պլանավորման և վերարտադրողական առողջության որակյալ ծառայություններ
2018 թ. — Բժշկական օգնության որակի բարելավում
2020 թ. — լրացուցիչ մասնագիտացման ստացում՝ «Սոնոգրաֆիա» /Ուլտրաձայնային ախտորոշում/ և սոնոգրաֆիստի որակավորում:
2022 թ. — Ժամանակակից մանկաբարձություն և գինեկոլոգիա
Աշխատանքային փորձ
2016 — 2018 թթ. — Ծննդատան վարիչ, ք. Վարդենիս
2022 — 2023 թթ. — Քաղաքի նախածննդյան կլինիկայի վարիչ, ք. Սևան
2024 թ. — մինչ օրս. — SILK Medical, բժիշկ մանկաբարձ-գինեկոլոգ, ռեպրոդուկտոլոգ, սոնոգրաֆիստ, ք. Երևան
