Էնդոկրինոլոգի խորհրդատվություն
- Երևան, Մարգարյան փողոց, 6/1
Էնդոկրինոլոգի խորհրդատվություն
էնդոկրինոլոգը զբաղվում է էնդոկրին համակարգի հիվանդությունների ախտորոշմամբ և բուժմամբ։ Խորհուրդ է տրվում տարեկան առնվազն 1 անգամ այցելել այս մասնագետի մոտ` կանխարգելման նպատակով։
Ե՞րբ է անհրաժեշտ դիմել էնդոկրինոլոգի խորհրդատվությանը։
Էնդոկրինոլոգի մոտ այցի պատճառ կարող են հանդիսանալ հետևյալ գանգատները․
թուլություն և հոգնածություն
քրտնարտադրություն
քնի խանգարում
տրամադրության կտրուկ փոփոխություն
մաշկի չորություն
կոկորդում ստնգանքի զգացողություն
քաշի փոփոխություն
մազաթափություն
տղամարդկանց մոտ կաթնագեղձերի մեծացում
ծարավի ուժեղ զգացողություն, հաճախամիզություն
վերքերի երկարատև վերականգնում
անպտղություն
մկանային ջղաձգումներ և ցավեր
պարանոցի չափի մեծացում
լիբիդոյի խանգարում
Էնդոկրին հիվանդություններն ունեն ախտանշանների լայն շրջանակ, ինչը կարևոր է դարձնում որակյալ և ժամանակին ախտորոշումը։ Երևանում գտնվող SILK Medical բժշկական կենտրոնում հիվանդներին ընդունում են բարձր որակավորում և երկար տարիների աշխատանքային փորձ ունեցող բժիշկներ: Մեր կենտրոնի էնդոկրինոլոգները մշտապես կատարելագործում են իրենց հմտություններն ու գիտելիքները՝ պարբերաբար մասնակցելով մասնագիտացված դասախոսությունների, սեմինարների, կոնֆերանսների և սիմպոզիումների։
Ի՞նչ է իրենից ենթադրում էնդոկրինոլոգի մոտ այցը։
Նախնական խորհրդակցության ժամանակ էնդոկրինոլոգը պացիենտին հարցնում է գանգատների մասին և հավաքում հիվանդության զարգացման պատմությունը (անամնեզ): Բժիշկը պարզում է ախտանիշների բնույթը, դրանց առաջացման ժամանակը և հնարավոր պատճառները։ Հաջորդ քայլը բուժաքննությունն է։ Նախ՝ գնահատվում է հիվանդի կազմվածքը, մաշկի վիճակը և մազակալման տեսակը։ Այնուհետև բժիշկը չափում է արյան ճնշումը և զարկերակը, շոշափում է վահանաձև գեղձը և ավշային հանգույցները։
Էնդոկրինոլոգիայում ախտորոշումը հաստատելու համար օգտագործվում են տարբեր լաբորատոր-գործիքային ախտորոշման մեթոդներ։ Դրանց թվում են.
- արյան ընդհանուր և կենսաքիմիական հետազոտությունը
- մեզի ընդհանուր անալիզը
- արյան հորմոնալ հետազոտությունը
- ուլտրաձայնային հետազոտությունը
- Մագնիսառեզոնանսային շերտագրությունը (ՄՌՇ) և համակարգչային շերտագրություն (ՀՇ)
Ախտորոշման շրջանակը որոշվում է Ձեր բժիշկի կողմից անհատապես՝ խորհրդակցության ժամանակ։ Ախտորոշման ընթացքում ստացված տվյալների հիման վրա, անհրաժեշտության դեպքում, բժիշկն ընտրում է համապատասխան թերապիա։
SILK Medical բազմապրոֆիլ բժշկական կենտրոնը հագեցած է ժամանակակից փորձագիտական կարգի սարքավորումներով: Կլինիկայի էնդոկրինոլոգները հետևում են միջազգային ժամանակակից առաջարկություններին և անհարկի հետազոտություններ չեն նշանակում։
