ICSI (ԻՔՍԻ)
- Երևան, Մարգարյան փողոց, 6/1
ԻՔՍԻ-ն ձվաբջիջների բեղմնավորման մեթոդ է։ Այն պատկանում է օժանդակ վերարտադրողական տեխնոլոգիաներին և լրացնում է արտամարմնային բեղմնավորումը: Սաղմնաբանը մանրադիտակի 400 անգամ խոշորացման տակ ընտրում է ճիշտ կառուցվածք ունեցող սերմնաբջիջ՝ առանց որևէ թերությունների։ ԻՔՍԻ-ի համար նախատեսված մանրադիտակի վրա միկրոմանիպուլյատորների միջոցով այդ սերմնաբջիջը բարակ ասեղով ներարկվում է անմիջապես ձվաբջջի թաղանթի մեջ։
Հաջորդ առավոտյան սաղմնաբանը ստուգում է, թե արդյոք բեղմնավորումը տեղի է ունեցել, այնուհետև վերահսկում է սաղմի զարգացման փուլերը: Հինգերորդ օրը բլաստոցիստի փուլում գտնվող սաղմը տեղափոխվում է ապագա մոր արգանդի խոռոչ: ԻՔՍԻ-ն նուրբ և բարդ մանիպուլյացիա է, որը պահանջում է հատուկ հմտություններ և փորձ: SILK Medical-ում այն իրականացնում են բոլոր սաղմնաբանները։
ԻՔՍԻ պրոցեդուրայի ցուցումներ
Սերմնաբջջի ներցիտոպլազմատիկ ներարկումը ձվաբջիջ անհրաժեշտ է հետևյալ դեպքերում.
- Տղամարդու մոտ շատ քիչ սերմնաբջիջներ են արտադրվում, և դրա հետևանքով ներարգանդային բեղմնավորումը՝ ԱՄԲ-ն, անհաջող է:
- Սերմնաբջիջների շարժունակությունը խաթարված է, ինչի պատճառով նրանք ինքնուրույն չեն կարողանում ներթափանցել ձվաբջիջ:
- Վիրահատական միջամտությունից հետո ստացած եզակի սերմնաբջիջներով բեղմնավորում։
- Արհեստական բեղմնավորման մի շարք անհաջող փորձեր։
- Նախկինում կրիոկոնսերվացված ձվաբջիջների բեղմնավորում:
- Նախատեսվում է սաղմերի նախաիմպլանտացիոն գենետիկական թեստավորում։
Մեթոդի արդյունավետությունը կազմում է մինչև 85%: ԻՔՍԻ-ից հետո սաղմը զարգանում է ճիշտ այնպես, ինչպես ավանդական բեղմնավորման դեպքում: Շատ ավելի մեծ նշանակություն ունի սկզբնական նյութը՝ սերմնահեղուկի և ձվաբջիջների որակը։ Եթե դուք բախվում եք անպտղության խնդրի հետ, ապա Երևանի SILK Medical կլինիկայում Ձեզ հետ կխորհրդակցի փորձառու բժիշկը: Նա Ձեզ կհայտնի, թե արդյոք Ձեր դեպքում խորհուրդ է տրվում օգտագործել վերարտադրողական օժանդակ տեխնոլոգիաներ, եթե այո, ապա որոնք, և որքան է կազմում այդ միջամտություններին դիմելու հետևանքով հաջողության հասնելու հավանականությունը:
