Ներարգանդային արհեստական սերմնավորումը

Ներարգանդային արհեստական սերմնավորումը (ՆԱՍ) հատուկ մշակված և պատրաստված սերմի ներարկումն է արգանդի խոռոչ։ Վերարտադրողական բժշկության բոլոր մեթոդներից ՆԱՍ պրոցեդուրան ամենամոտն է բեղմնավորմանը, որը տեղի է ունենում բնական ճանապարհով: Սերմնավորման համար կարող է օգտագործվել կնոջ զուգընկերոջ կամ կրիոկոնսերվացված դոնորական սերմնահեղուկը:

Արհեստական սերմնավորման առավելությունն այն է, որ բեղմնավորման լավագույն պահին լավագույն սերմնաբջիջները «Էքսպրես առաքմամբ» անմիջապես ներթափանցում են արգանդ՝ շրջանցելով հեշտոցն ու արգանդի պարանոցի ցերվիկալ ուղիները։ ՆԱՍ-ն զգալիորեն մեծացնում է հղիության հավանականությունը։

Սերմնավորման ցուցումներ․

• անհասկանալի ծագման անպտղություն
• զուգընկերոջ սերմնահեղուկի որակի աննշան նվազում
• անպտղության պարանոցային գործոն․ արգանդի վզիկի սպիներ, ցերվիկալ լորձի կազմի խանգարումներ
• օվուլյացիայի հետ կապված խնդիրներ
• սեռական խանգարումներ, կանոնավոր սեռական հարաբերությունների բացակայություն
• կնոջ մոտ սերմնահեղուկի սպիտակուցների նկատմամբ ալերգիա
• զուգընկերոջ բացակայություն (սերմնավորում դոնորական սերմով)
• դիսկորդանտ զույգ (զուգընկերներից միայն մեկն է վարակված ՄԻԱՎ-ով)

Ներարգանդային բեղմնավորումը հակացուցված է, եթե կնոջ մոտ.

• խանգարված է արգանդափողերի անցանելիությունը
• էնդոմետրիումը չափազանց բարակ է
• չկա օվուլյացիա
• առկա են արգանդի կառուցվածքային թերություններ, որոնք կանխում են հղիությունը։

Հղիության հետ կապված խնդիրների յուրաքանչյուր դեպք պահանջում է անհատական, զգույշ մոտեցում: SILK Medical կլինիկայում փորձառու բժիշկները կանցկացնեն մանրակրկիտ հետազոտություն, որի արդյունքների հիման վրա Ձեզ կառաջարկվի ամենաարդյունավետ բուժումը։

Ինչպե՞ս է տեղի ունենում սերմնավորումը

Արհեստական սերմնավորման պրոցեդուրան կարող եք անցկացվել Երևանում։ Կինը նախօրոք հետազոտություններ է անցնում՝ բացառելու ՆԱՍ-ի հակացուցումները։ Տղամարդը սերմնահեղուկ է հանձնում անալիզի համար։ Դոնորական սերմնահեղուկով ՆԱՍ-ի դեպքում Դուք նախապես ընտրում եք դոնորին մեր բանկից։

Ներարգանդային բեղմնավորումն իրականացվում է բնական ցիկլի շրջանակներում կամ հորմոնալ խթաման հետ համատեղ։ Կատարվում է ֆոլիկուլների հասունացման ուլտրաձայնային մոնիտորինգ: Դրա արդյունքների հիման վրա բժիշկը նշանակում է պրոցեդուրայի օրը:

Տղամարդը սերմնահեղուկը հանձնում ՆԱՍ-ից անմիջապես առաջ: Սաղմնաբանը նախապատրաստում է սերմը՝ առանձնացնում է ամենաորակյալ սերմը, մաքրում նմուշը սպիտակուցներից։ Դոնորական սերմնահեղուկը հալեցվում է:

ՆԱՍ պրոցեդուրան անցավ է և տևում է ընդամենը մի քանի րոպե: Կինը բարձրանում է գինեկոլոգիական աթոռի վրա։ Բժիշկը հեշտոցի մեջ տեղադրում է գինեկոլոգիական հայելի, այնուհետև արգանդի պարանոցի ցերվիկալ ուղիներով տեղադրվում է կաթետեր, որի միջոցով սերմնահեղուկը ներթափանցում է արգանդի խոռոչ: Կարճ հանգստից հետո կինը կարող է վերադառնալ տուն։

 Սերմնավորման արդյունավետությունը

β-hCG-ի թեստը կարող եք հանձնել ՆԱՍ-ից երկու շաբաթ անց: Արդյունավետությունը հիմնականում կախված է կնոջ տարիքից։ Մինչև 35 տարեկան կանանց մոտ և խթանված ցիկլերում արդյունավետությունը մեկ ցիկլի համար կազմում է 15-25%: Եթե ​​բեղմնավորման երեք փորձերը ձախողվեն, բժիշկը կառաջարկի այլ մեթոդներ բեղմնավորման հետ կապված խնդիրները լուծելու համար:

Հրավիրում ենք Ձեզ Երևանի SILK Medical։ Մեր մասնագետները կկատարեն սերմնավորման պրոցեդուրան հմտորեն և զգույշ՝ հաշվի առնելով Ձեր դեպքի բոլոր առանձնահատկությունները։ Մեր թիմի աշխատանքի սկզբունքն է ապահովել բուժման առավելագույն արդյունավետությունը՝ պահպանելով առավելագույն հարմարավետությունը մեր պացիենտների համար: