Ուրոլոգ-անդրոլոգը
- Երևան, Մարգարյան փողոց, 6/1
Ուրոլոգ-անդրոլոգը այն բժիշկ-մասնագետ է, ով զբաղվում է արտազատական համակարգի օրգանների հիվանդությունների ախտորոշման, բուժման և կանխարգելման հարցերով: Սա ներառում է հետևյալ օրգանները՝ միզուկը (urethra), միզապարկը, միզածորանները և երիկամները։ Շատերի կարծիքով ուրոլոգը այն բժիշկն է, ով բուժում է բացառապես տղամարդկանց։ Թեպետ իրականում այս մասնագետը բուժում է թե՛ կանանց, թե՛ երեխաներին։ Իսկ բժիշկ ուրոլոգ-անդրոլոգը իր հերթին մասնագիտանում է տղամարդկանց անպտղության հաղթահարման և ԱՄԲ ծրագրին նախապատրաստելու գործում։
Ո՞ր դեպքերում է անհրաժեշտ դիմել ուրոլոգի կամ ուրոլոգ-անդրոլոգի խորհրդատվությանը։
Ամենից հաճախ այս մասնագետին դիմելու պատճառը հետևյալ ախտանիշներն են.
- Արական անպտղություն
- Մեզի որոշակի փոփոխություններ. եթե այն պղտորվում է, տհաճ հոտ է ձեռք բերում, մեզի հետ լինում են արյան խառնուրդներ
- Հաճախամիզություն
- Ցավ միզելու ընթացքում կամ դժվարամիզություն
- Ցավ որովայնի ստորին հատվածում, գոտկատեղի շրջանում
- Ցավ և այլ տհաճ զգացողություններ ինտիմ հատվածում
- Անմիզապահություն
- Էրեկցիայի հետ կապված խնդիրներ
- Արտաթորություններ միզուկից
Բժիշկ ուրոլոգը ստույգ կախտորոշի այս խնդիրների պատճառները և կառաջարկի Ձեզ բուժման արդյունավետ ծրագիր:
Ի՞նչ է իրենից ենթադրում բժշկի մոտ այցը։
Երևանի SILK Medical կլինիկայի ուրոլոգ-անդրոլոգները իրականացնում են միզասեռական համակարգի ախտորոշում և բուժում: Նախնական այցի ընթացքում բժիշկը սկսում է հավաքել հիվանդության զարգացման պատմությունը (անամնեզ)։ Նա պացիենտին հարցնում է իրեն անհանգստացնող ախտանիշների մասին, երբ են դրանք հայտնվել, ինչպես են փոխվել ժամանակի ընթացքում, ինչ հիվանդություններ է ունեցել նախկինում, ինչպիսի սեռական կյանք է վարում և այլն։ Այնուհետև բժիշկը կատարում է հետազոտություն: Արդյունքների հիման վրա նա սահմանում է նախնական ախտորոշում և նշանակում է հետազոտություն՝ հիվանդությունը ճիշտ ախտորոշելու նպատակով։ Կարող են նաև նշանակվել տարբեր լաբորատոր-գործիքային ախտորոշման մեթոդներ։
Հաջորդ այցի ժամանակ ուրոլոգը ուսումնասիրում է հետազոտության արդյունքները, որոշում է ախտորոշումը և կազմում հետագա բուժման ծրագիրը: Ուրոլոգիայում կիրառում են ոչ միայն դեղորայքային թերապիա, այլև տարբեր տեսակի վիրաբուժական միջամտություններ, ընտրությունը կախված է յուրաքանչյուր դեպքի ախտորոշումից:
