Նախաիմպլանտացիոն գենետիկական թեստավորում (PGT)
- Երևան, Մարգարյան փողոց, 6/1
Նախաիմպլանտացիոն գենետիկական թեստավորում
ԱՄԲ-ից հետո հղիության բացակայության ամենատարածված պատճառներից մեկը սաղմի գենետիկ խանգարումներն են: Դրանք բացահայտելու համար կատարվում է նախաիմպլանտացիոն գենետիկական թեստավորում (ՆԳԹ)։ Ուսումնասիրությունը հնարավորություն է տալիս ընտրել տեղադրման համար լավագույն սաղմերը՝ դրանով իսկ մեծացնելով ԱՄԲ-ի հաջողության հնարավորությունները: ՆԳԹ-ից հետո հղիության հավանականությունը հասնում է 69,1%-ի:
SILK medical կլինիկան առաջարկում է հետևյալ գենետիկական թեստերը.
- ՆԳԹ-Ա՝ NGS մեթոդով – սաղմերի զննում անեուպլոիդիայի համար (քանակական քրոմոսոմային փոփոխություններ):
- ՆԳԹ-Մ – մոնոգեն հիվանդությունների սկրինինգ:
Որո՞նք են ՆԳԹ-ի առավելությունները:
- Առողջ սաղմի ընտրություն տեղադրման համար
- Մեծացնում է հղիության հավանականությունը
- Նվազեցնում է վիժման վտանգը
- Նվազեցնում է հիվանդ երեխա ունենալու ռիսկը
Ուսումնասիրությունը պարտադիր կերպով առաջարկվում է.
- Ուշ վերարտադրողական տարիքի կանանց (ավելի քան 35 տարեկան)
- ԱՄԲ-ի կրկնվող անհաջող փորձերի դեպքում
- Սովորութային կրելախախտի դեպքում (2 կամ ավելի վիժում)
- Ժառանգական հիվանդությունների ախտորոշմամբ ծնողների դեպքում
- Եթե ընտանիքում ծնվել է գենետիկ պաթոլոգիա ունեցող երեխա
Սաղմերի նախաիմպլանտացիոն գենետիկական թեստավորումը կարող է առաջարկվել բոլոր զույգերին, ովքեր իրականանցնում են ԱՄԲ՝ փորձերի քանակը նվազեցնելու և հաջող ելքի հնարավորությունները մեծացնելու նպատակով:
Ինչպե՞ս է իրականացվում ՆԳԹ-ն:
Գենետիկական հետազոտության համար սաղմերը կարելի է ստանալ միայն ԱՄԲ ծրագրի միջոցով: Սաղմի զարգացման 5-6-րդ օրը լաբորատորիայում սաղմաբանը կատարում է յուրաքանչյուր սաղմի տրոֆեկտոդերմի բիոպսիա, ընտրում է մի քանի բջիջ հետազոտության համար և ուղարկում գենետիկական անալիզի։ Մինչև հետազոտության արդյունքների ստացումը, սաղմերը ապակեպատ անոթներում պահվում են SILK medical-ի կրիոբանկում։
SILK medical-ի սաղմնաբաններն ունեն բարձր որակավորում և տարբեր սաղմնային մանիպուլյացիաների կատարման մեծ փորձ: Բիոպսիան չի վնասում սաղմին և բացասաբար չի ազդում նրա հետագա զարգացման վրա։
ՆԳԹ-Ա՝ NGS – սաղմերի փորձարկում անուպլոիդիայի համար՝ օգտագործելով գենոմի հաջորդականությունը: Մեթոդը թույլ է տալիս ուսումնասիրել բոլոր քրոմոսոմների կառուցվածքը և բացահայտել անոմալիաներով հատվածները: ՆԳԹ մեթոդը համարվում է ամենատեղեկատվականներից մեկը։
ՆԳԹ-Մ — մոնոգեն հիվանդությունների թեստավորումը թույլ է տալիս բացահայտել այնպիսի ծանր ժառանգական հիվանդություններ, ինչպիսիք են՝ կիստոզային ֆիբրոզը, Հանթինգթոնի հիվանդությունը, ողնաշարի մկանային ատրոֆիան, Մանգաղաբջջային սակավարյունությունը, Թեյ-Սաքսի հիվանդությունը և այլն:
SILK Medical-ն առաջարկում է ԱՄԲ ծրագրերի իրականացում՝ սաղմերի նախաիմպլանտացիոն գենետիկական թեստավորմամբ: Սաղմերի գենետիկական թեստավորումը թույլ կտա Ձեզ լինել հանգիստ և վայելել առողջ երեխայի ծննդի սպասումը:
