Սերմնահեղուկի հետազոտություններ

Սերմնահեղուկի հետազոտությունները հնարավորություն են տալիս կարճ ժամանակում գնահատել տղամարդու պտղաբերության ունակությունը և բացահայտել մի շարք ախտաբանություններ: Սպերմոգրաման կատարվում է անպտղության կասկածի դեպքում, ԱՄԲ-ի նախապատրաստման և սերմնահեղուկի պահպանման համար, ինչպես նաև խորհուրդ է տրվում հղիությունը պլանավորելիս՝ որպես զույգի ընդհանուր հետազոտության մաս:

Սերմնահեղուկի կոմպլեքսային հետազոտություն

Հղիություն պլանավորելիս կամ հղիության բացակայության դեպքում Երևանի SILK Medical-ի մասնագետները խորհուրդ են տալիս որպես առաջին քայլ հանձնել հենց սպերմոգրամա՝  տղամարդու անպտղության գործոնը անմիջապես բացառելու կամ հաստատելու նպատակով։

Սերմնաժայթքումի (էյակուլյացիա) ամբողջական ուսումնասիրությունը ներառում է՝

Սպերմոգրամա ԱՀԿ նորմերի համաձայն։ Սերմնահեղուկի հիմնական հետազոտություն, որը որոշում է սերմնաժայթքման ծավալը և մածուցիկությունը, սերմնաբջիջների կոնցենտրացիան և շարժունակությունը, ագլյուտինացիան և օտար խառնուրդների առկայությունը:

Մորֆոլոգիան՝ ըստ Կյուգերի: Սերմնահեղուկի կառուցվածքի և ձևի գնահատում, գլխիկի, վզիկի և պոչիկի անոմալիաների հայտնաբերում: Սերմնաժայթքումը պետք է պարունակի սպերմատոգենեզի 4%-ից ավել բջիջ առանց որևէ թերության, հակառակ դեպքում բեղմնավորումը հնարավոր է միայն ԱՄԲ-ի միջոցով:

MAR-тест (Mixed agglutination reaction)։ Իրականացվում է ASA՝  հակասպերմալ հակամարմինների հայտնաբերման և անպտղության իմունաբանական գործոնի բացառման համար: ASA-ն արտադրվում է տղամարդու մարմնի իմունային բջիջների կողմից, արյունատար անոթները սերմնարտադրող ուղիներից անջատող հեմոթեստիկուլյար պատնեշի թափանցելիության խախտման դեպքում։ Հակասպերմալ հակամարմիններով ծածկված սերմնաբջիջները բեղմնավորմանը չեն մասնակցում: Եթե սերմնաժայթքումը պարունակում է նմանատիպ բջիջների 50%-ից ավելին, ապա մեծ է անպտղության իմունաբանական հավանականությունը։

Սպերմոգրամայի արդյունքները համարվում են վավեր վեց ամսվա ընթացքում: Մեր կլինիկայում Դուք կարող եք հանձնել անալիզը սեղմ ժամկետներում: Արդյունքների հիման վրա բժիշկը կնշանակի բուժման կուրս:

Սերմնահեղուկի ԴՆԹ-ի ֆրագմենտացիայի հետազոտություն

Սերմնահեղուկի գլխիկում կա միջուկ՝ ԴՆԹ-ի մոլեկուլներում կոդավորված գենետիկական տեղեկատվությամբ։ Մոլեկուլների կառուցվածքի ամբողջականությունը կարող է խախտվել, երբ ԴՆԹ-ի շղթաներում կտրվածքներ են  տեղի ունենում։ Այս գործընթացը կոչվում է սերմնահեղուկի ԴՆԹ-ի ֆրագմենտացիա: Այն ազդում է սերմնաբջիջների ձվաբջիջը բեղմնավորելու ունակության վրա:

Կարևոր է. սերմնահեղուկի ԴՆԹ-ի ֆրագմենտացիան հնարավոր չէ հայտնաբերել ստանդարտ սպերմոգրամայի միջոցով, պահանջվում է հատուկ հետազոտություն:

Սերմնահեղուկի ԴՆԹ-ի ֆրագմենտացիայի հետազոտության ցուցումներ․

• 40 տարեկանից բարձր տարիք։
• Անհայտ ծագման անպտղություն։
• Արհեստական բեղմնավորման մի շարք անհաջող փորձեր
• Սառեցված հղիություն և վաղ վիժումներ:
• Վարիկոցելե։
• Տղամարդու մարմնի ավելցուկային քաշ։
• Սթրեսներ, քրոնիկ հիվանդություններ տղամարդու մոտ:

Հետազոտության արդյունքների հիման վրա արտածում են ԴՆԹ-ի ֆրագմենտացիայի ինդեքս, որն արտացոլում է նորմալ և պաթոլոգիական բջիջների տոկոսային հարաբերակցությունը: ԴՆԹ-ի շղթաներում կտրվածքներով սերմնաբջիջների նորմայի դեպքում պետք լինի ոչ ավելի, քան 15%:

Ինչպե՞ս պատրաստվել սերմնահեղուկի հետազոտությանը:

Որպեսզի հետազոտության արդյունքները ստույգ լինեն, անհրաժեշտ է.

• Հետազոտությունից 3-5 օր առաջ զերծ մնալ սեռական հարաբերությունից։
• Հետազոտությունից առաջ՝ 1 շաբաթվա ընթացքում չընդունել ալկոհոլ։
• Խուսափեք գերտաքացումից. հետազոտությունից առաջ՝ 1 շաբաթվա ընթացքում չայցելել շոգեբաղնիք կամ սաունա, տաք լոգանք չընդունել։
• Եթե տղամարդը բուժում է անցնում հակաբիոտիկներով կամ այլ դեղամիջոցներով, անհրաժեշտ է տեղեկացնել բժշկին:
• Հնարավորինս խուսափել սթրեսային իրավիճակներից և ծանր ֆիզիկական ու հոգեկան ծանրաբեռնվածությունից:

Հայտնաբերվել է պաթոլոգիա։ Ի՞նչ անել։

Հաճախ սպերմոգրամայի խանգարումների պատճառ են հանդիսանում վարակները, նախկինում մարմնի ջերմաստիճանի բարձրացումը, ավելցուկային քաշը և Էնդոկրին համակարգի խանգարումները։ Կախված ախտորոշումից, SILK Medical-ի ուրոլոգ-անդրոլոգը կնշանակի լրացուցիչ հետազոտություն և բուժում: Մեր բժիշկները մեծ փորձ ունեն տղամարդկանց ԱՄԲ ծրագրին նախապատրաստելու հարցում։ Հնարավոր է նաև դեղորայքային կամ վիրաբուժական բուժում: Ազոոսպերմիան (սերմնաժայթքումում սերմնաբջիջների բացակայություն) բավականին հազվադեպ է հանդիպում, բայց նույնիսկ այս ախտորոշումը հնարավոր է հաղթահարել SILK Medical-ում: