Էնդոմետրիումի փայփալ բիոպսիա

Փայփալ բիոպսիան միջամտություն է, որի ընթացքում բժիշկը արգանդի լորձաթաղանթից բջիջներ է ստանում, որպեսզի այնուհետև ուղարկի դրանք լաբորատորիա հետազոտության համար: Այս տեխնիկան օգնում է ճշգրիտ կերպով ախտորոշել չարորակ ուռուցքները և այլ պաթոլոգիաներ։
Փայփալ բիոպսիան Երևանում կարող է իրականացվել SILK Medical կլինիկայում։

Ցուցումներ
Փայփալ բիոպսիայի իրականացման ամենատարածված ցուցումներն են.

Դաշտանի խանգարում. եթե դրանք դառնում են անսովոր ծանր, երկարաձգվում են, անկանոն են կամ բացակայում են:
Հեշտոցային արյունահոսություն հետդաշտանադադարի ժամանակ:
Ոչ նորմալ հեշտոցային արյունահոսություն՝ տամոքսիֆենով բուժման կամ այլ հորմոնալ թերապիայի ժամանակ:
Հաստացում, արգանդի լորձաթաղանթի ախտաբանական գոյացություններ՝ ըստ ուլտրաձայնային հետազոտության արդյունքների։
Պապ թեստում աննորմալ բջիջների հայտնաբերում:

Նախապատրաստում
Նախ գինեկոլոգը զրուցում է կնոջ հետ, պարզում, թե ինչ խրոնիկական հիվանդություններով է նա տառապում, ինչ դեղամիջոցներ է ընդունում և արդյոք ունի ալերգիկ ռեակցիաներ ։

Նախքան ընթացակարգը, ձեր բժիշկը կարող է խորհուրդ տալ ընդունել իբուպրոֆեն կամ մեկ այլ ոչ ստերոիդային հակաբորբոքային դեղամիջոց , որը կօգնի նվազեցնել ցավը: Կարող են նաև նշանակվել դեղամիջոցներ, որոնք կօգնեն նախապատրաստել արգանդի պարանոցը ընթացակարգին:

Ինչպե՞ս է իրականացվում ընթացակարգը:
Փայփալ բիոպսիայի դեպքում բոլոր միջամտությունները տևում են 5-ից 15 րոպե և կատարվում են ամբուլատոր հիմունքներով: Անզգայացում չի պահանջվում: Ընթացակարգը բաղկացած է մի քանի փուլից.

Կնոջը խնդրում են մերկանալ գոտկատեղից վար և նստել գինեկոլոգիական աթոռին։
Հեշտոցում տեղադրվում է գինեկոլոգիական հայելի՝ այն բացելու և արգանդի պարանոցի տեսանելիությունն ապահովելու համար:
Բարակ խողովակի տեսքով հատուկ գործիքը արգանդի պարանոցի միջով մտցվում է նրա խոռոչ։ Այս խողովակի վերջում կան անցքեր, իսկ ներսում՝ մխոց:
Բժիշկը քաշում է մխոցը, և վակուումի ազդեցության տակ էնդոմետրիալ բջիջները ներծծվում են խողովակի մեջ։ Դրանք ուղարկվում են լաբորատորիա՝ մանրադիտակով հետազոտվելու։
Բիոպսիայից հետո
Պրոցեդուրայից անմիջապես հետո կարող եք հագնվել և գնալ տուն։ 48 ժամվա ընթացքում դուք կարող եք զգալ թեթև ցավ և սպազմի զգացում, ինչը կարող եք հաղթահարել ցավազրկողներով: Մի քանի օրվա ընթացքում պետք է հետևեք որոշ ցուցումների.

կրել գինեկոլոգիական միջադիրներ,
չօգտագործել տամպոններ, չիրականացնել ներլվացում,
ձեռնպահ մնալ սեռական հարաբերությունից,
Խուսափել ինտենսիվ ֆիզիկական ակտիվությունից, լոգանք ընդունելուց կամ լողավազան գնալուց:
SILK Medical-ի Երևանյան կլինիկայում բոլոր ախտորոշիչ պրոցեդուրաներն իրականացվում են փորձառու մասնագետների կողմից։ Հետազոտության արդյունքների հիման վրա դուք կարող եք անմիջապես դիմել բարձր որակավորում ունեցող գինեկոլոգի, ով կնշանակի արդյունավետ բուժում: